//
you're reading...
Budaya

Ketentuan Adat di Minangkabau

Ketentuan-ketentuan Adat Minangkabau dituangkan dalam bentuk pepatah-petitih, pantun dan gurindam adat yang dijadikan rujukan setiap persoalan:

  • Ketentuan Adat tentang kedudukan seseorang sebagai pribadi

Pulai batingkek naiak,
maninggakan ruweh ji buku,
mati rimau maninggakan balang,
mati gajah maniggakan gadiang,
mati manusia maninggakan jaso.

Nan kuriak iolah kundi,
nan merah iolah sago,
nan baiak iolah budi,
nan endah iolah baso.

Pulau pandan jauah ditangah,
dibaliak pulau anso dua,
hancua luluah dikanduang tanah,
budi baiak takana juo.

Pisang ameh baok balaie, masak sabuah didalam peti, utang ameh dapek di baia, utang budi dibaok mati.

Saukua mako manjadi, sasuai mako takanak, jo kok pandai bamain budi, urang jauh jadi dunsanak.

Talangkang carano kaco, badarai carano kendi, sipuluik samo rang randangkan, bacanggang karano baso, bacarai karano budi, itu nan samo rang pantangkan.

Dek ribuik rabahlah padi, dicupak nak urang canduang, iduik kok tak babudi, duduak tagak kamari tangguang

Batang anau paantak tungku, pangkanyo sarang limpasan, ligundi di sawah ladang, sariak indak babungo lai.

Mauleh kalau mambuku, mambuah kalau mangasan, budi kok kelihatan dek urang, iduik indak baguno lai.

Kuat rumah karanao sandi, rusak sandi rumah binaso, kuat bangso karano budi, rusak budi hancualah bangso.

  • Larangan adat kepada setiap pribadi

Kok gadang jan malendo,
panjang jan malindih,
mahariak mahantam tanah,
bataratak bakato asiang,
nan babana kapangka langan,
nan batuak ka ampu kaki.

Mangguntiang dalam lipatan,
manuhuak kawan sairiang,
malakak kuciang didapua,
manahan jarek dipintu,
mancari dama kabawah rumah,
mamapeh dalam balango

Pilin kacang nak mamanjek,
pilian jatiang nak barisi,
lain geleang panokok,
asiang kacundang sapik,
duduak sarupo urang kumanjau,
tagak saroman kamambali.

Kacak langan bak langan, kacak batih lah bak batih, bak sibujang joloang babakarih, bak sigadih jolong basubang, lonjak labu dibanam.

Geleang kapalo bak si patuang inggok, sifat ibarat lipeh tapanggang, tingkah ibarat caciang kapanasan, bak baluik di galitiak ikua.

  • Yang harus diingat dalam pergaulan terutama terhadap yang tua umurnya

Jalan mandata ingek tataruang,
jalan manurun ta antak-antak,
jalan mandaki sasak angok,
jalan malereang kok tagalincia.

Nan tuo dihormati,
nan ketek dikasihi,
samo gadang baok bakawan,
ibu-bapo labiah sakali, guru dihargoi.

Manyuak diilia-ilia,
bakato dobawah-bawah,
dimano bumi dipijak,
disinan langik dijunjuang,
dimano rantiang dipatah,
sinan sumua dikali,
dimano sumua dikali,
sinan aia disauak,
dimano nagari diuni,
sinan adat dipakai,
lawik sati rantau batuah.

Malu batanyo sasek dijalan,
sagan bagalah hanyuik sarantau,
nan tahu diposo-poso ayam,
nan tahu dikili-kili jawi,
nan tahu dikayu tinggi alang.

Gadang buayo dimuaro,
gadang garundang dikubangan,
gadang samuik diliangnyo,
gadang nago dikualo.

  • Pemimpin yang bijaksana

Adalah pemimpin yang menghargai dan mempergunakan setiap orang sesuai dengan kemampuannya masing-masing.

Nan bungkuak katangkai bajak, nan lurui katangkai sapu, satampok kapapan tuai, nan ketek kapasak suntiang.

Panarahan kakayu api, abunyo kapupuak padi, Nan buto pahambui lasuang, nan pakak pamasang badia, nan lumpuah paunyi rumah, nan binguang di suruah-suruah, nan cadiak bakeh batanyo, nan alim bakeh baguru, nan pandai bakeh baiyo, nan kayo tampek batenggang, nan elok palawan dunia.

  • Karena adat itu basandi sarak, syarak basandi kitabullah, maka menjadi kokoh dan sempurna adat minangkabau karenanya.

Adat basandi syarak, syarak basandi kitabullah, syarak mangato adat mamakai, simuncak mati tarambau, kaladang mambaok ladiang, lukolah paho kaduonyo, Adat jo syarak di Minangkabau, ibarat aua jo tabiang, sanda manyanda kaduonyo.

Tasindoroang jajak manurun, takukiak jajak mandaki, Adat jo syarak kok tasusun, bumi sanang padi manjadi.

Kesudahan adat ke balairung, kesudahan dunia akhirat,

Limbago jalan batampuah, itu karajo niniak mamak,

Sarugo diimam taguah, Narako dilaku awak,

 

Pariangan manjadi tampuak tangkai, Pagaruyuang pusek tanah data, tigo luhak rang mangatokan, adat jo syarak kok bacarai, tampek bagantuang nan lah sakah, tampek bapijak nan lah taban.

Indak dapek sarimpang padi, batuang dibalah kaparaku, indak dapek bakandak hati, kandak Allah nan balaku, dan sebagainya sebagainya.

  • Adat Minangkabau menjungjung tinggi kemanusiaan yang adil dan beradap, karena bahasa adat di Minangkabau bersamaan artinya dengan adab dalam bahasa Arab. Budi yang baik motor penggerak rasa kemanusiaan yang adil dan beradab.

Nak mulia tepati janji, nak tinggi naiakkan budi, nak halui baso jo basi, nak taguah paham dikunci, nak luruih rantangkan tali, nak elok lapangkan hati.

Kabukik samo mandaki, kalurah samo manurun, tatungkuik samo makan tanah, tatilantang samo minum ambun, tarapuang samo anyuik, tarandam samo basah.

Nan barek samo dipikua, nan ringan samo dijinjiang, rusuah samo dipujuak, anyuik samo dipinteh, tarapuang samo dikaik, tabanam samo disalami.

Nan elok baimbauan, nan buruak bahambauan, alek nan bapanggia, tibo dinan buruak bahambuan.

Sekali-kali jangan bersifat:

Cadiak mambuang kawan, gapuak mambuang lamak, tukang mambuang kayu, alim mambuang kitab.

  • Adat Minangkabau mengutamakan persatuan dan kesatuan, dan rasa kebersamaan.

Raso aia kamatang, raso minyak kakuali, nan bakabek rasan tali, nan babungkui rasan daun.

Saciok bak ayam, sadanciang bak basi, sakabek bak lidih, saikek bak siriah, salubang bak tabu, sarumpun bak sarai, satandan bak pinang.

Gadangnyo bakabungan, panjangnya bakaratan, lawehnyo basibiran, saadat salimbago, sahino samalu salai satidak, malu tak dapek diagiah, suku tak dapek dianjak.

Sikua kabau bakubang, sakandang kanai luluaknyo, surang makan cubadak, sado kanai gatahnyo.

Sakoroang sakampuang, sasuku sanagari, sabangso sa tanah aia.

Barang pusako dilipek, parang samun samo dihado’i, kok kusuik-kusuik bulu ayam, kok pacah-pacah palupuah, tak bulia kusuik sarang tampuo, atau pecah tatimpo nan bak kaco.

  • Adat Minangkabau menjunjung tinggi prinsip musyawarah mufakat :

Walaupun inggok nan mancakam, kuku nan tajam tak baguno, bago mamegang tampuak alam, kato mufakat nan kuaso.

Duduk surang basampik-sampik, duduk basamo-samo balapang-lapang, lamak siriah lega carano, lamak kato dilega buni, kato surang dibulati, kato basamo dipaiyokan.

pincalang biduak rang tiku, nampak nan dari si tinjau lawik, basilang kayu dalam tungku, disinan api makonyo iduik.

Ba iyo-iyo jo adiak, ba tido-tido jo kakak, di cari bana nan saukua, dipiliah kato nan sabuah.

Saukua mangko manjadi, sasuai mangko takanak, elok diambiak jo mufakat, buruak dibuang jo etongan.

dibulekkan aia kapambuluah, bulek baru digolekkan,

pipiah baru dilayangkan, bulek jan basuduik pipiah jan basanding, data balantai papan, licin balantai camin.

tapawik makanan lantak, takuruang makanan kunci,

randah tak dapek dilangkahi, tinggi tak dapek kito panjek

  • Keadilan sosial sangat mendapat tempat dalam Adat Minangkabau, karena penggeraknya adalah budi dan malu serta disinari oleh sinar ke-Tuhan-an Adat Basandi Syara’, syara’ basandi kitabullah.

Kehilangan samo marugi, mandapek samo balabo, maruyuang siliah baganti, nan sagu bagi basamo,
Maukua samo panjang, mambilai samo laweh, gadang kayu gadang bahan, ketek di agiah bacacah, gadang dibagi baumpuak,
Senteng bilai-mambilai, kurang tukuak-manukuak, salah samo dibatua kan, lupo samo diingekkan,
nan lamah samo dituweh, nan condong samo ditungkek, nan ado samo dimakan, nan indak samo dicari, dan lain sebagainya.

  • Ekonomi mendapat tempat dalam adat minangkabau secara khusus.

Sawah gadang satampang baniah, makanan urang tigo luak, dek pandai niniak baragiah, sampai kini baitu juo.
sa sukek duo baleh taia, dicupak mako digantang, nan lunak ditanam baniah, nan kareh dibuek ladang, nan lancah palapeh itiak, ganangan katabek ikan, bukik batu katambang ameh, padang ana bakeh taranak, batanam nan bapucuak, memeliharo nan banyawo.
Dek ameh sagalo kameh, dek padi sagalo jadi, elok lenggang dinan data, rancak rarak dihari paneh, elok baso dinan lai, ilang rono dek panyakik, ilang bangso tak barameh.

Untuk hal yang demikian dituntut oleh Adat :

Hari sehari diparampek, malam samalam dipatigo, agak agiahkan jo ulemu, kok duduak marawik ranjau, kok tagak maninjau jarak, duduak ba pamenan, tagak baparintang.
jikok bajalan ba aleh tapak, malenggang babuah tangan malangkah babuah batiah, bakato baaleh lidah.

  • Ketentuan tentang hukum:

Hukum batando aso, cupak batando duo, kusuik disalasaikan, karuah dijanihi.
di paruik jan dikampihkan, dimato jan dipiciangkan, didado jan dibusuangkan, bahukum adia bakato bana, indak buliah bakatian kiri, lurui bana dipegang sungguah.

  • Tentang tertuduh dalam sesuatu karena ada bukti kecurigaan.

Anggang lalu atah jatuah, pulang pagi babasah-basah.

dibaok ribuik dibaok angin,

dibaok pikek dibaok langau,

Bajua ba murah murah, ditanyo jawab batimbang.

Bajalan bagageh gageh, kacondongan mato rang banyak.

Tasindorong jajak manurun, tatukiak jajak mandaki.

lah bauriah bak sipasan, lah bajajak nan bak bakiak.

  • Ketentuan larangan hukum yang terlanggar oleh seseorang.

Dago mambari malu, sumbang salah laku parangai,
samun saka tagak dibateh, umbuak umbi budi marangkak,
curi maliang taluang didindiang, tikam bunuh padang badarah,

sia baka sabatang suluah, upeh racun batabuang sayak.

Diskusi

Belum ada komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: